J.E. Castelnau : LA POUËSIA

Publié le 22 Janvier 2013, 01:22am

. Le grand poète sétois du milieux du XIXème, J.E Castelnau; nous propose son ode à la poésie, au félibrige triomphant, de ces années splendeurs littéraires & économiques !!! Nous l'avons publié souvent, nous ne manquerons de lui redonner la parole ... dans un futur prôche !! SG. *+*+* LA POUËSIADaut! que brounzigue la jambougna De Prouvença, de Lengadoc, De Paris, de la Catalougna, De Roumania, dau Medoc!... Lou vin es linde; Pourten un brinde Au Capouliè qu'es festat mai que mai ! Au Felibrige Franc de nescige, Que sap causi ou poulit mes de Mai Pèr tène la granda sesiha Qu'Ièra oufris à la Court d'amour, D'ounte s'esvarta la brumour Davans la Pouësia !... Pèr saludà la Santa-Estella, De tous palmiès au pege fort, Voués raucousa e voués clarinella Escalaran jusqu'au fruch d'orQue pendouleja E mirgaieja, Quand l'auba ris au leva dau sourel. Bella Prouvènça, Qu'un pople encensa, Dau paradis seras sèmpre lou grel; Atabé tout ce que bresiha, Lou roussignoòu, lou troubadour, Vèspre, mati, te fan mamour, Car siès la Pouësia... Dins toun meravihous bouscage Se vei l'ouliva e lou rasin, Se vei encara à toun ribage Las penadas dau Sarrasin; Cana sucrada, Grana pebrada, Irange d'or e limoun vermeïal, Fraga e viôuleta D'un pan de coueta, Tout espelis de-long toun prat reial ; Tout ce qu'es bèutat, armounia, S'espandis de nioch e de jour, De ta plana au trelus, toujour, Sus-tout la Pouësia!!Plena de voia, Fresca, galoia, Au ramelet que déu l'envertouia !... Pioi-qu'es ta fèsta, Zôu ! tèn-te presta Pèr lou que déu lou mihou bresihà... E tus, Musa, embé fernesìa, Au soun dau fifre e dau tambour, Mescla ta voues e ta rumour !... Viva la Pouësia !!Ièra, ioi vesèn la cigala Detràs l'auboi, lou tambourin, Que vèn reviscoulà soun ala E nous viôulounâ soun refrin; Gènta vesprada, Enamourada, Se jout tous rais ou dins un recantou, Musa poulida, Pèr ma culida, Veniè clausi ma bouca d'un poutou, Couma un magnan aut la ramiha, Alor me poudrièi candelà Au fiéu sedous, e m'envoulà Embé la Pouësia ! ! ! 25 de Mai de 1885.

http://marsyas2.blogspot.com/2013/01/je-castelnau-la-pouesia.html

Voyage au bout de la ville...........

Histoire d'Aix.........un livre à lire

Commenter cet article