LA CIGALA E LA FOURNIGA

Publié par Chorale ACANTARI sur 8 Mars 2013, 03:08am

MARSYAS 2: Langlade : LA CIGALA E LA FOURNIGA

. LAS MATINADAS LA CIGALA E LA FOURNIGAA CAMILLE BRUNELUn jour, au pus fort de l'estieu, Sus una aubeta, au bord dau rieu, Una cigala cascalhava Embé tant de redou, Que de l'animaudou Tout lou cors ressautava. Dins aquel tems, Una fourniga Fasiè l'araire courriguent, De la garriga Ounte es cavat soun fourniguiè, A la pus procha bladariè, E chaca fes, à la passada, L'animau alucrit, Sans quità lou courrì, Escampava quauca lengada (Tant que teniè res d'enmaissat). La fourniga es pas tant bestiassa D'anà desclavà la mourdassa Quand ten sa proia, aco se sap. Quoura cridava: — Eh be! pecaire, Prendrem pas peca à champouirà ? D'autres cops: — Se dis que l'araire Enrega drech quand lou bouirac Canta la cansouneta, Pioi: — Zou! zou! canta, ma migueta: Cantà tout l'estieu à l'oumbreta, Es un traval ben agradieu! Per ma fe, s'era tant gagnieu Couma es plasent, end aquela obra, Ieu te fariei manobra, Mais, couma lou que vai cantant A tard ou tems bramarà fam, Aime mai encava, per vieure, Pus-lèu qu'aiçai avé lou pieure E manlevà 'ncò dau vesin. N'escoupiguet tant, à la fin, Que la cigala ansin brandida, Pas trop que s'endeven mousida (Avem chacun noste sanet), Cala soun cant un moumenet, E ie ven: — Per de que m'aigaires ? Te deve-ti quicom ? De que t’ai fach, respond ?,Belèu t'en dòu que lous cantaires De vieure amount aguem poudé, Couma tus à l'ime dau det. E crese ben qu'es toun espera: Voudriès que mourregesse terra, En rebalant gran e granoun; Mais ieu n'ai de besoun Que de sourel e d'aire, E la natura, en bona maire, Sans esperas m'aprouvesis: N'ai à flac, n'ai à gramecis, D'aqui qu'afrechoulida e muda, Dau tems fugissent las cosous, M'ane rescondre à la sournuda, Vestida d'un crevel terrous. Mais se dins ma baumeta La fam fai sentre soun pessuc, Saupràs, ô fournigueta, Qu'au mens la cigala a viscut. Dis, e de sa cantada Fai mai ressounti la clausada Que daurejoun lous blats madus. E lous segaires que segavoun, E las ligaires que ligavoun De lassige e de set renduts, En ausissent soun sega-sega, A l'obra mai tout se boulega, Cansoun en vela, espantoulhats, E de longa escarrabilhats..

http://marsyas2.blogspot.com/2013/03/langlade-la-cigala-e-la-fourniga.html

Une exposition à ne pas manquer...

8 mars "la journado pèr li fremo"

Commenter cet article