J.E Castelnau : LOU PONT DE MOUSSA

Publié le 6 Juillet 2013, 06:06am

MARSYAS 2: J.E Castelnau : LOU PONT DE MOUSSA

. LOU PONT DE MOUSSA AU FELIBRE MAJOURAL C. LAFORGUE Ancian sendic de la Mantenença de Lengadoc Era encara fèsta au Vigan; E tout un pople vers la fièira, Tal qu'un drapèu se desplegant, Floutava, e, mau-grat la poussièira Que s'espandissiè couraa un fum Au grand sourel que fasiè lum, D'un cor galoi, la pocha plena, En trefouliguent d'avançà Pèr croumpà, vendre ou pèr dansa, Mai d'un susava sa coudena. E pamens, n'i'a que dau tambour, De la chincha, de la flabuta, De l'interèst que rend cabour, Fan pas cas : aco lous rebuta; Mes ce qu'es siau, fresquet, oumbrous, Quand même siègue escalabrous, Se fai dins l'ama tica-taca, Aco 's lou rode benesit Ounte aima de viéure enclausit Lou qu'au fiéu de l'amour s'estaca.L'ai vist aquel rode encantat Au founs d'una coumba verdala, Ounte es lou jounc sèmpre aclatat Jouta l'eigueta que davala De roca en roca d'un rajôu Que la trais linda pèr lou sou ; E lou ventoulet que la poussa, Tantost la mena au grand valat, Tantost au canau qu'es de plat Sus l'esquina dau pont de Moussa. L'ai vist aquel pont subre-bèu, Escambarlat dins la pradella, Faire de soun double ridèu Entre-doubèrt, au jour, oumbrella; Aqui, souvent lou pastourèl lé mena en siblant soun troupèl E fai gasà l'aiga lusènta Doucetamen, de rescoundous, Quand vèn l'oura dau rendès-vous, A la nobla e fina jouvènta. Siègues dounc sèmpre sans brumour Pèr lou pastre e la castelana, O pont de Moussa, un pont d'amour, E, se dau serre, de la plana, Couma ièr, encara deman Vers tus en se bailant la man Quaucun vèn mai jout toun arcada, Mescla au bruch das mots de bonur E das poutous lou fres murmur Das degoutets de ta cascada ! Seta, 29 de Setembre de 1886 .

http://marsyas2.blogspot.com/2013/07/je-castelnau-lou-pont-de-moussa.html

A Langlade : LA ROSA REINA

Festival des Fontaines • Li Font en Fèsto : une aventure humaine

Commenter cet article