Fèlis Gras : Catechismo dou bon felibre.

Publié le 16 Mars 2013, 03:18am

MARSYAS 2: Fèlis Gras : CATECHISME DOU BON FELIBRE (points premier & second) + avant propos de F. de Bouscarlo

. CATECHISME DOU BON FELIBRE Fèlis Gras Avignoun 1892 L’autour d’aqueste librihoun es proun estouna de tout lou chamatan que se i’es fa à l’entour. Mai ço que l’a estabousi es la pousture de cat de-revès qu’an presso contro éu dous journau felibren di miéus grana. Pamens i’avié qu’à legi plan-plan e sènso passioun aquésti quàuqui pajo, pèr s’assegura que l’Autour noun avié vougu afrounta ni treboula, encaro mens mespresa la fe e li crèire de proun bon felibre sis ami. Ié rèsto à dire que noun a nimai agu la pretencioun de presenta aqueste Catechisme coume óuficiau e definitiéu. Eu pènso, coume l’a dejà di lou Capoulié, que lou Consistòri soulet a lou dre de redegi e d’adóuta, se lou crèis necite, lou Catechisme dóu Felibrige. Acò di, saludo li fraire, repren la fusto e remounte sus la tintèino. F. de Bouscarlo. CATECHISME DOU BON FELIBRE I - Qu'es lou Felibrige? - Es l’amo di Nacioun latino. - Que vòu lou Felibrige? - Vòu l'unioun de tóuti li prouvinço, de tóuti li Nacioun dóu Mounde latin, souto l'Estello di sèt rai. - Perqué? - Pèr que lou Bèn triounfle dóu Mau; lou Bèu, dóu Laid; la Pensado de la Pèiro e dóu Metau; dins qu'un mot: pèr que la Pouësìo fugue soubeirano sus touto causo! - Quéti soun li devé d'un bon Felibre? - Un bon Felibre dèu ama sa terro nadalo e l'apara; dèu ama sa lengo meiralo e la parla; dèu ama sa raço e pèr elo souleto coungreia. - Que dèu mai faire? - Dèu, fin qu'à la mort, ajuda la Causo felibrenco dins tóuti si toco. II - Quand i'a de toco dins la Causo felibrenco? - N'i'a sèt. - Veguen-lèi? - Soun li toco naturalo, li toco pouëtico e la toco misteriouso. - Quant i'a de toco naturalo? - N'i'a tres. - Quant i’a de toco pouëtico? - N'i'a tres. - Quant i’a de toco misteriouso? - Aquelo es unenco, e se desvelara qu’à la fin di lucho..

http://marsyas2.blogspot.com/2013/03/felis-gras-catechisme-dou-bon-felibre_16.html

Le Dictionnaire des Rimes Provençales

L'église de Saint Mitre.

Commenter cet article