Les textes des confinés (Mon santon préféré)

Flour de l’iver

Dimenche matin uno peloto blanco tapo lou sòu, li aubre , li teulisso, tout deven blanc, meravihous, immacula. Plus de brut, la nèu toumbo à s’Ais.

En Prouvenço sian pas equipa per la nèu…. .

Urousamen lèu la nèu found.De pichoti tousco d’erbo apparèisson d’eici d’eila, au mitan de l’uno vei uno taco viouleto.

Regarde de mai proche e vo, es bèn uno pichoto flour qu’es forço couragiouso, a pas pòu dou fre. Es touto pichoto mai que perfum …. .

Coume si petale soun bello éme soun mitan jaune. Coume dis Ive Human :  soun-ti pas bello aquéli viouleto dins l’erbeto ( clerclado de nèu) que ié ser d’escrin ?

========================================================================================================================================================

Après lou quatre de Decembre mounte aven planta  lou blad ( noun lou blad de luno) mai lou blad vertadie per espéra uno bono annado,.
Jour à cha jour aven fa lou belen, la crecho e li santoun an trouba sa place, mai quauquis un cercon encaro.
Es uno grando famiho noste crecho :
I a li reire, lou vigneroun,lou boulagie, lou pastre, lou cassaire e piei la broudarello de boutis e lou Jacquet, touti soun  aqui per ana rendre oumage a l’enfant Jesus,.
Mai oublide lou mai impourtant, aqueu que m’agrado forco, lou Ravi 😀,
Plen de bonur e d’esbalausido e de Joio!
Siguen touti  di Ravi, garden noste amo d’enfantoun ( «  creserello « dit Mistral), d’avans aqueli crecho!
E la vesprado de Nouve, touti urous e urouso, anen aculi l’enfant Jesus!

Andreio

Lou mai bèu di Santi Belli

Pèr chausi quau es lou santoun qu'amo lou mai, lou Ravi e l'Ase soun en councurrènço mai aguènt escouta li maje-mege de Marsiho e de Paris, touto la sanflourado sabentouso de la medecino, me dise que dèu pas manca d'afeciouna lou Ravi e que tout ben vist es l'Ase que m'agrado lou mai, éu qu'es tout-bèu-just menistre di pastre. Éu me ramento qu'un menistre se deu d'estre bon servidou, umble emai ounèste ; se deu de ben travaia pèr nàutri e de toujour dire lou verai, ren que de verai. En de mai l'Ase, coume lou Ravi, es pas esclavo de l'internet ; e pèr fini l'Ase a de beu iue e de bellis auriho.

Gilbert.

Vese dins li santoun li persounage de la Pastoralo Maurel .
Lou Ravi es gaire degourdi, mai a lou cor pur, fa jamai lou mau, que saup pas ço qu'es . Lou Sant-Esperit de segu va l'esclara ;
Lou Boumian semblo lou plus grand pecadou de la chourmo : n'en sian segu ?  Ven demanda perdoun en oufrènt soun coutèu e soun cor.

jorgi.

Ah ! couquin de sort ! Vaqui que me mandas de chausi lou santoun que m’agrado lou mai …. , aqueu que m’esmòu.

Pode pas tria li ame touti, an touti quaucaren ….. . De segur la santo famiho : Mario qu’enmantelo soun enfant, e Sant Jousé qu’enmantelo sa femo et lou pichot. Lou biòu e l’ase que recaufon Jesus . Lou Ravi que s’emeraviho de l’estamen. Touti li persounage dóu village : lou mounié, la peissounieró éme lou pèis qu’a pesca soun ome lou matin meme, lou fada, li dansaire acoumpagna dou tambourinaire. Mai tambèn lou remoulaire, la mameto e lou papè, lou pourtaire d’aigo…… .

Pamens aquèu que m’agrade e que m’esmole lou mai es lou bergiè.

Lou pastre es uno persouno que vivo soulé éme soun avé , parlo soulamen à soun chin mai es un ome qu’escampo d’amour. Es pas èu que Dieu a chausi per anoucia la bono nouvello : la neissènço de l’enfant Jesus. E sa prestanço éme soun grand mantèu soun grand capèu que l’aparo dou soulèu e tambèn de la pluieo, a toujour un long bastoun sus aquèu s’apiejo. Dins moun belèm en ai de mouloun….. , ai meme uno pastresso…… .

Touti li santoun soun touti davans l’estable, e es touto la Prouvenço qu’es aqui dins sa simpleta. Es Nouvè

Madaleno

=================================================================

==================================================================

===========================================================================================================================================

Estrànsi

Ma vido d'enfant se debanè en Mazargo, un vilajoun de la campagno marsiheso. Mazargo ero Mazargo. Mazargo ero pas Marsiho que l'octroi counteroulavo l'intrado dins la vilo fin qu'à 1943.

 Aqui se parlavo francès mai pas lou francès dou mestre d'escolo ; se parlavo la lengo dou vilage, uno mescladuro franco-prouvençalo. S'utilisavo d'outis coumo l'eissade e lou picoussin … dins lou jardin i avié di faisse, i avié de bortoulaigue ... i avié le pouciou … Touti lis enfant couniessié l'estrassaire emai lou Parrain Rascous e sabié canta « lou pichoun viendra gibous ! ».

Aqui, ges de « Garlaban de vacanço » mai touto l'annado li belli coulino de Marsiho-Veire emé les Plaines de Coulon proche la cimo, li miradou sus la mar e lis isclo, li pescadou e sis ase, e de miliasso de draiòu.

Ma vido d'enfant se debané dins uno famiho à l'anciano modo, dins uno meno de pichoun mas mounte l'oustau de mi gent vesinavo lou de mi grand e lou de mis ouncle e tanto. La droulataio mancavo pas d'espàci per jouga e descurbi lou mounde, aganter des cardalines, des cul-rousset et des pèce-pignes, cerca les cri-cri, jouga emé de couloubro… Crèisse au mitan d'aquelo marmousiho èro uno vertadiero chanço mai lis enfant soun pas di santoun ; podon faire touto meno de couquinarié e tamben estre marrit. Ansin quàuqui sèr erian pas ben poulit quouro rintravian à l'oustau emé li péu fangous vo lou nas grafigna, vo li braieto estrassado.

E alor i avié la letanìo : « Marri pichoun, destrussi, vous me ferez mourir d'estransi »

Qu'es aco l'estrànsi me disié ? Me lo demandavo ... mai l'ai jamai demanda au mestre d'escolo !E pièi siéu « mounta » à la vilo béure lou sabé que nous pourgissié la Quatrenco  Republico, mameto de la nacioun.

E pièi la Cinquenco Republico marcialo, la Republico dei trento glouriousi e de la moundialisacioun, la Cinquenco Republico m'a moustra d'autri ceu mounte lou travai me durbissié li bras …

Ero ben liuen la founfòni de l'estrànsi, la founfòni de nosti maire, à nàutri li galapian que cabriolavian dins la campagno mazargueso.

Ansin anavo la vido … 

E alor ? E alor ?

Lou COVID es arriba emé si maus e d'atentat

La radio, la televisioun, l'internet, li doutour, li menistre me parlavon que d'atentat, de COVID e de counfinamen, me sarravon la testo e tamben la gargamelo, m'aceleravon lou cor, me nèblavon la visto … Que d'uno moulounado d'estress coumo n'ia que dison ! Uno moulounado que poudrié estrassa la testo la mai gaiardo !

Se dis de mai qu'aquelo musico, qu'aquelo sansogno, ne mena quauquis-un à se destruire.

Alor m'es revengudo en memòri l'estrànsi ; m'es revengudo en memòri la lengo de nosti maire, lou parla dou vilage.

Gilbert

--------------------------------------------------------------------------------------------

Castagne

Ah, couquin de Jorge !

Mis ami,