Meraviho de Prouvenço

Publié par Chorale ACANTARI sur 13 Janvier 2014, 07:01am

Catégories : #langue

Qu a jamai auvi parla dei sèt meraviho dóu mounde ?

Tóutei que sian avèn après eis escolo aquelo tiero de mounumenanti que pamens, an tóutei despareissu alevadei piramido d’Egito.

Segur en Prouvènço lei mounumen soun pas tant celèbre, e dirai mume souvèntei-fes descounouissu, vo alor n’an entendu parla mai sènso sidouna la peno de leis ana vesita.

Tè, rèn que pèr parla d’un relarg que, s’es pas esta basti pèr l’ome, n’en es pas mens uno meraviho que duvèn à la naturo.

Vouàli parla de laCamargo, mounte maugrat l’envahimen dei tourìsti,si li pòu vèire de païsage coumo n’i a gesd’autre.

Avèn puei, Arle seis areno e leis Aliscamp que lei Rouman nous leissèron en eiretage, coumo aquélei de Nime, esènso óublida, emai que sichèsse en Lengado, lou pouant de Gard.

D’un autre i as à Sant Roumié, s’atrobo lou site de Glanum.

E lei Baus, perlo de roco que mumelei prince de Mounègue n’en soun lei segnour.

Mai proche de nautre avèn Freju que leis archeoulogo soun toujour en bousco de nouvèllei descuberto dins sei vestigerouman.

D’enca ‘n pau anàvi óublida lei gouargo deVerdoun, meraviho escultado pèr la naturo ques’alassan jamai d’amira.

Avèn tambèn en Prouvènço lei tres abadié Cisterciano souarre, que soun Silvacano, Senanco,e bèn entendu aquelo dóu Thoronet.

Mai tóutei aquélei meraviho bastido pèr leis omevo pèr la naturo, duvon pas nous en faire óublida d’àutrei que soun lou rebat dóu bouan goust e dóu gàubi prouvençau.

Vouàli parla de l’aiòli e dóu boui-abaisso.

Se leis uno nourisson l’esperit, leis àutrei fan de bèn au cors,que !

Enfin, e l’aviéu gardado pèr la fin, li a uno cauvo qu’es la plus bello au dire de la majo part dei Prouvençau e que nouàsteis aujòu nous an leissaen eiretàgi, e que duvèn serva e apara, es la lengo nouastro, qu’es de tout segur un mounumen dei plus grand que sièchon ! Alor aguen pas crentode la parla e de la gaubeja et de la faire restounti

Télécharger La langue

Cliquer sur le lien

http://www.ville-lagarde.fr/documents/Documents/novo_provenco/PROVENCO_MARS_2013.pdf.pdf